Семейде орман өртеніп, қаза тапқан 15 адамның отбасына пәтер кілті табысталды, – деп хабарлайды Aikyn.kz.
Қаза тапқандардың отбасына 7 миллион теңге және әр балаға 2 миллион теңге төленеді. КТК арнасының хабарлауынша, асыраушысынан айырылғандарға бірреттік әлеуметтік жәрдемақы тағайындалады. Тұрғын үй Семейде жаңа бой көтерген Қарағайлы ықшамауданында орналасқан.
Абай облысының әкімі Нұрлан Ұранхаев: «Жаңа, жарық, қажет жиһаздармен және тұрмыстық техникамен толық жабдықталған. Дегенмен бұдан өзге де көмек көрсетіледі. Біз отбасылардың тұрмыс жағдайын біліп отырмыз. Сондықтан осы мәселе жан-жақты пысықталады», – деді.
Бұған дейін орманшының әкесі «Орынбасары әйел адам болғандықтан, өрт ошағына ұлымды жұмсаған» деп жалғыз ұлынан айырылғанын айтқан еді.
Фото: noks.kz