Түркияда Эгей теңізінің Чанаккале провинциясын Айваджык ауданына қарасты бөлігіндегі жағалауында 84 мигрант құтқарылды. Бұл туралы Anadolu Ajansı ақпараттық агенттігі хабарлады.
1 шілдеде жергілікті уақыт бойынша сағат 04:50-де Түркияның Жағалау күзеті қызметіне Айваджык ауданының жағалауында босқындар мінген үрлемелі қайық келіп жеткені жайлы ақпарат түскен.
Тиісті ақпаратты алғаннан кейін оқиға орнына Түркияның Жағалау күзеті күштерінің TCSG-6 катері жіберілді.
Алғашқы операцияның нәтижесінде 37 адам құтқарылды.
Келесі сигнал сол күні жергілікті уақыт бойынша 12:24-те келіп түскен. Келіп жеткен мигранттардың екінші легіне KB-20 және KB-4304 катерлерімен құтқарушылар жіберіліп, нәтижесінде 47 мигрант құтқарылды.
Тиісті процедуралардан өткен соң 84 заңсыз мигрант жергілікті көші-қон басқармасына жеткізілді.