Ғылым және жоғары білім министрі Саясат Нұрбектің мәліметінше, Қазақстан жалпы әлемдік есепте 31-орынды иеленген. Баяндамада Қазақстанда білім алушылар технологиялық дағдылар бойынша жетістікке жетіп жатқаны, олардың көрсеткіші Technology санаты бойынша 96 пайызды құрайтыны атап өтілген.
«Рейтинг құраушылар мынадай білім санаттарын қарастырып отыр:
Business – менеджмент, коммуникация, қаржы және бухгалтерлік есеп сияқты бизнесті басқаруға қатысты дағдылар;
Technology – ІТ-жүйелер мен бағдарламалық жасақтаманы құру, қолдау және масштабтау үшін қажетті дағдылар;
Data Science – шешімдер қабылдау үшін немесе әзірленіп жатқан өнімдер мен қызметтерде компаниялар жасаған білімді жинау және пайдалану дағдылары.
2023 жылы зерттеу базасын әлемнің 100 елінен 124 млн студент құрады», – деп жазды министр.
Бұл рейтингтегі позицияны арттыруға ҚР Ғылым және жоғары білім министрлігінің 25 отандық жоғары оқу орнының білім беру бағдарламаларына 600-ден астам курсты енгізу арқылы цифрлық экономика үшін 20 000 студент пен оқытушыны даярлау жөніндегі бастамасы ықпал етуде.