Бұл былтырдың сәйкес кезеңімен салыстырғанда үш еседен артық. Былтыр осы кезеңде 77 645 шетелдік туристер отандық қонақүйлерде демалған. ТМД елдерінен келген туристер саны – 180 мың немесе 72 пайыз. Бір қызығы, былтыр дәл осы көрсеткіш 77 пайыз болған. Яғни, алыс шетелден келген туристердің үлесі артып отыр.
«Моңғолия – 11,6 есе (489-дан 5 683-ке дейін), Қытай – 8,5 есе (2 223/ 18 954), Үндістан – 4,7 есе (1 245/5 887), Оңтүстік Корея – 3,8 есе (939/3 585), Иран – 3,8 есе (237/897), Германия – 3 есе (1 659/5 054), АҚШ 2,2 есе (1 237/2 761) өсті», – дейді Мәдениет және спорт министрлігі өкілдері.
Шетелдік туристердің елімізде демалуға келетін басты бағыттары – Алматы (77 308 турист), Астана (38 463 турист), Алматы (19 049 турист) және Маңғыстау облыстары (15 062 турист).