Қазан айында пәтерді жалға берудің орташа құны қыркүйекпен салыстырғанда 2,2% арзандаған, – деп хабарлайды Aikyn.kz Krisha.kz-ке сілтеме жасап.
Мәліметке сәйкес, пәтерді ұзақ мерзімге жалға беру құны бойынша 13 қалада мониторинг жүргізіліп, оның 8-інде бағаның арзандағаны белгілі болды.
Қазан айындағы бағаның төмендеуі жаз мезгілінен басталған.
Ал бағаның ең қатты қымбаттаған кезеңі шілде-тамыз аралығын қамтиды. Ол уақытта ай сайынғы жалдау құны 4-7 % өскен.
Кейінгі бір айда пәтер жалдау құны Ақтөбеде – 7%, Петропавлда – 6%, Ақтау, Қостанай, Көкшетауда – 5%, Алматы, Қарағандыда – 4% және Астанада 1% құрады.
Ал Павлодар, Орал, Өскеменде баға біршама өсті.
Пәтер жалдау құны бойынша ең қымбат қала – Алматы. Онда шамамен бір шаршы метр жер – 6 мың теңге. Ал ең арзан баға – Ақтауда. Онда шаршы метріне 2 632 теңге алады.
Бағаның өсу қарқынын қаңтар айынан бастап қарайтын болсақ, 10,3% қымбаттаған.