Нұрсұлтан Назарбаевтың інісі Болат Назарбаев қайда жерленетіні белгілі болды, – деп хабарлайды Aikyn.kz inbusiness.kz-ке сілтеме жасап.
Болат Назарбаев есін жиған кезде оны марқұм ата-анасының жанына, яғни, Алматы облысы Қарасай ауданы Шамалған ауылының жанындағы рулық қорымға жерлеуді өтінген.
Бұған дейін Нұрсұлтан Назарбаевтың туыстарын жерлеу орны ашық болған, қазір ол жер қоршалған, сондай-ақ стационарлық бекет орнатылған.
Айта кетейік, Тұңғыш Президент Нұрсұлтан Назарбаевтың інісі Болат Назарбаев бүгін 71 жасында дүниеден өтті.
Алматы Орталық клиникалық ауруханасы 13 қараша күні сағат 9:28-де оның жүрегі тоқтағанын хабарлады.