Алматы облысындағы тасжолда Шымкент қалалық Энергетика және инфрақұрылымды дамыту басқармасы басшысының орынбасары Мақсат Әбдіқадыров жол апатына ұшырады, – деп хабарлайды Aikyn.kz elitar.kz-ке сілтеме жасап.
Редакция мәліметі бойынша, жол апаты 18 желтоқсан күні сағат 8.00-де Алматы-Бішкек тасжолында Беріктас ауылынан үш шақырым жерде болған.
Мақсат Әбдіқадыров Lexus LX470 көлігімен айналма жолға шығып келе жатып, рульге ие бола алмай, қарсы жолаққа шығып, айналма жолдан шығып бара жатқан VOLVO FN 420 жүк көлігімен соқтығысқан.
Мақсат Әбдіқадыров оқиға орнында көз жұмды. Түрлі дене жарақаттарымен Ұзынағаш ауылындағы ауруханаға 1991, 2015, 2018, 2021 жылғы төрт адамнан тұратын отбасы жеткізілді. Жүк көлігі жүргізушісінің жағдайы белгісіз.