Мәжіліс депутаты Арман Қалықов Президенттің "Егемен Қазақстан" газетіне шыққан сұхбатына пікір білдірді.
Айтуынша, Мемлекет басшысы Қасым-Жомарт Тоқаевтың сұхбаты өткен жылдарды ашық және шынайы қорытындылаған.
"Қазақстан Президенті Қ.Тоқаевтың сұхбаты өткен жылдарды ашық және шынайы қорытындылады. Ондаған жылдар бойы жүргізілген жұмыс Жаңа Қазақстанды құру үшін ескі мәселелерді шешудің бастамасы болуы керек.
Біздің қоғамдағы ең өзекті мәселе – коммуналдық шаруашылық. Билік ондаған жылдар бойы бар шаруашылықты жөндеумен айналысып, соның салдарынан қарапайым халық зардап шегетін көптеген апат болды. Қазақстандағы қалалар мен елді мекендердің барлық инженерлік желілері күрделі салымдарды және толық қайта жарақтандыруды талап етеді. Бұл үшін уақытымыз аз, бізде қауіпсіздік жүйесі де жоқ. Осы мәселелерді тез арада шешіп, ауқымды істерге кірісу қажет.
Сонымен қатар өсіп келе жатқан қалалар мен жас ұрпақтың қажеттіліктері энергия шығындарын арттыруда, бұл – қазіргі қоғамдағы үрдіс. Энергетикалық желілердің ескі құрылымы қазір игере алмауда және бірнеше жылдан кейін төтеп бере алмайды. Барлық дамыған елдер атом энергиясын ұзақ уақыт бойы пайдаланып келеді, бұл үшін Батыстың технологиялары сынақтан өткен және қауіпсіздік кепілдігі де бар. Маңызды дәлел – бізде уран кен орындары бар, олар үшін Қазақстанға әлемдік көшбасшылар келеді, бірақ біз оны пайдаланбаймыз.
Әрине, атом электр стансасын салу қажеттілігін халықтың өзі шешуі керек және біз бұған дайындалуымыз керек. Әрине, мемлекеттік мәселені шешу қиын, бірақ біздің балаларымыздың ұрпақтары бізге, бүгінгі қазақстандықтарға дұрыс таңдау жасағанымыз үшін алғыс айтады", – деп жазды ол.