Бір айға созылған фестивальда қатысушылар вокал, хореография, мобилография, аспаптық орындау, театр бағыттары бойынша бақ сынаған. Жалпы жобаға 2,5 мыңнан астам студент қатысты.
– Jas Gala фестивалі Алматы қаласында үшінші рет ұйымдастырылып отыр. Оған қаладағы барлық Жоғары оқу орындары мен колледждердің студенттері қатысты. Нақты айтқанда, 30 ЖОО және 23 колледжден 529 өтінім келіп түсті. Фестивальдың жүлде қоры 7 500 000 теңгені құрады. Фестивальға қатысу үшін алдымен университет және колледж ішінде іріктеу болды. Оның жеңімпаздары қалалық жарысқа қатысты, – деді Алматы студенттер альянсының басшысы Жасұлан Қуандық.