Disney мен Pixar компаниялары «Ойжұмбақ 2», Disney студиясы «Моана 2», «Муфаса: Арыстан патша» анимациялық фильмдерін өз қаражатына қазақ тіліне аударды, – деп хабарлайды Aikyn.kz сайты. Disney жыл сайын әр фильмнің түрлі тілдердегі 30-ға жуық нұсқасын дайындайды. Қазақ тілінің осындай ірі тілдер қатарына қосылуы – өте маңызды қадам. Халықаралық «Қазақ тілі» қоғамы аталған фильмдерді қазақ тіліне аудару бастамасын қолдады.
«Ойжұмбақ 2» анимациялық фильмі 13 маусымнан, «Моана 2», «Муфаса: Арыстан патша» фильмдері қараша айынан бастап еліміздегі барлық кинотеатрларында көрсетіле бастайды.
Ал Алматыда 11 маусым күні сағат 18.30-да Mega ойын-сауық орталығында өтетін Disney және Pixar студияларының «ОЙЖҰМБАҚ 2» анимациялық фильмінің қазақ тіліндегі көрсетілімі өтеді.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.