Тараз қаласында көпқабатты тұрғын үй өртеніп, құтқарушылар 10 адамды эвакуациялады, – деп хабарлайды Aikyn.kz.
Бұл туралы Төтенше жағдайлар министрлігінің баспасөз қызметі мәлімдеді.
«Өрт шақыру түскен сәттен бастап 25 минут ішінде сөндірілді. 10 адам эвакуацияланды, оның ішінде бесеуі – бала», – деп хабарлады ТЖМ.
Қазір өрттің нақты себебі анықталып жатыр. Зардап шеккендер жоқ.