Ресми мәліметтерге сәйкес, елдегі сотталушылардың жалпы саны 87 500-ден асты, олардың 83 755-і ер адам, – деп хабарлайды Aikyn.kz.
Euronews мәліметінше, Ұлыбританияның әділет министрі Шабана Махмуд толып кеткен түрмелерді босату үшін мыңдаған сотталушыны бостандыққа шығару жоспарын жариялады. Махмуд егер бұл шаралар қабылданбаса, жүйе толық күйреуге ұшырауы мүмкін екенін айтты, өйткені түрмелер қазірдің өзінде 99%-ға толып тұр.
Англия мен Уэльсте Батыс Еуропадағы жан басына шаққандағы ең көп соталушы саны бар, бұл көрсеткіш пандемиядан кейін күрт өсті.
Болжам бойынша, тұтқындар жазасының 40%-ын өтегеннен кейін мерзімінен бұрын босатылуға құқығы бар. Бұл шара төрт жылдан астам мерзімге сотталған, зорлық-зомбылық қылмыстары, жыныстық сипаттағы қылмыстар жасағандар және өмір бойы бас бостандығынан айырылғандарға қатысты қолданылмайды.
Министр сондай-ақ келесі жылдың наурызына дейін пробация қызметіне қосымша 1000 тағылымдамашы алуды жариялады.
Сараптама, зерттеу мақала, күнделікті өзекті ақпаратты «Айқынның» Тelegram арнасынан таба аласыз.