VI Дүниежүзілік көшпенділер ойындары 2026 жылы Қырғызстанда өтетін болды. Бұл туралы осы елдің Мәдениет, ақпарат, спорт және жастар саясаты министрі Алтынбек Мақсұтов ресми түрде мәлімдеді, – деп хабарлайды Aikyn.kz.
Бейнеүндеуде министр Қазақстандағы V көшпенділер ойындары жақсы өтіп жатқанын, қырғыз елінің спортшылары бірнеше жүлдеге ие болғанын айтқан. Ол отандастарын құттықтай келе, қырғыз халқына қуанышты жаңалығын жеткізді.
– Сіздерге айтар жақсы жаңалығым бар. Қырғызстаннан бастау алған Дүниежүзілік көшпенділер ойындары 2026 жылы өз мекені Қырғызстанда өтеді. Мәдениет, ақпарат, спорт және жастар саясаты министрлігінің және өз атымнан сіздерді құттықтаймын, – деді қырғызстандық министр халыққа бейнеүндеуінде.
Айта кетейік, Дүниежүзілік көшпенділер ойыны 2014 жылы алғаш рет Қырғызстандағы Шолпан Ата мекенінде өткен болатын.