Марат Шәдетханұлы Қожаев Сенат депутаты болып тағайындалды, – деп хабарлайды Aikyn.kz.
"Мемлекет басшысының Жарлығымен Марат Шәдетханұлы Қожаев Қазақстан Республикасы Парламенті Сенатының депутаты болып тағайындалды", – делінген хабарламада.
Марат Қожаев 1964 жылы 23 ақпанда туған. Білімі жоғары, 1989 жылы КСРО ІІМ Қарағанды жоғары мектебін, 2001 жылы ҚР ІІМ Академиясын тәмамдаған.
Мансабы:
- 1984 жылдан – Алматы облысы ІІБ Қаскелең ауданының ІІБ уақытша ұстау изоляторының милиционері;
- 1989 жылдан 2001 жылға дейін тергеу қызметінде, оның ішінде Алматы облысы ІІБ басшылық лауазымдарында жұмыс істеді;
- 2004 жылдан 2009 жылға дейін – Алматы қаласы ІІД бастығының орынбасары
- 2012 жылғы ақпаннан бастап – Қазақстан Республикасы ІІМ Тергеу комитетінің төрағасы;
- 2014 жылдың қыркүйегінен – Павлодар облысы ІІД бастығы;
- 2017 жылғы желтоқсаннан бастап – Нұр-Сұлтан қаласы ПД бастығы;
- 2019 жылғы 6 сәуірден бастап – ҚР Ішкі істер министрінің бірінші орынбасары болды.
Қызметте жеткен жетістіктері үшін ІІМ басшылығы бірнеше рет көтермелеген, 2-ші дәрежелі «Айбын» (2013) орденімен және 7 медальмен марапатталған.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.