Президент өкілеттігін тоқтатқаннан кейін Нұрсұлтан Назарбаевтың жұмыс графигі өзгерді. Бұл туралы Tengrinews.kz тілшісіне Елбасының баспасөз хатшысы Айдос Үкібай хабарлады.
«Президент өкілеттігін тоқтатқаннан кейін Елбасының жұмыс графигіне азғантай өзгеріс енді. Алайда, Тұңғыш Президент елдік, ұлттық мәселелерді назардан тыс қалдырған емес. Әрдайым елдің дамуына қызмет етіп келеді. Таңғы жұмысын бұрыңғыдай газет оқудан бастайды. Көбіне «Егемен Қазақстан» мен «Казахстанская правда», «Айқын» мен «Литер», сондай-ақ өңірлік және халықаралық басылымдарды қарап отырады» – деді Айдос Үкібай.