Қазақстандық боксшы Фируза Шарипова (11-1, 6 КО) кезекті жекпе-жегінің өтетін күнін жариялады, деп хабарлайды Prosports.kz.
«24 қазан күні Қазан қаласында Ratel Pro Fight промоутерлік компаниясы ұйымдастыратын турнирде менің кезекті жекпе-жегім өтеді. Жақында қарсыластың есімі де белгілі болады», - деп жазды спортшы өзінің Instagram желісіндегі парақшасында.
Еске сала кетелік, 22 тамызда Қазан қаласында Шарипова қарсыласы Танзаниядан Хэппи Даудимен (8-7-1, 4 КО) жұдырықтасып, бесінші раундта техникалық нокаутпен жеңіске жетті. Бәске IBA нұсқасы бойынша екінші жартылай жеңіл салмақтағы әлем чемпионының белбеуі тігілді. Бұл қазақстандықтың 2019 жылдың сәуірінен есептегендегі бірінші жекпе-жегі еді.
