Бұған дейін Қуат Хамитов мансабындағы ұзақ үзілістен кейін Ахмад-Хан Боковты Мәскеуде өткен Fight Nights Global 98 турнирінде ұтты.
Айтар болсақ, осыған дейін Алматы полициясы Қуат Хамитовты қамауға алғанын жазған едік. Кейінірек ішкі істер министрлігі атақты спортшы, аралас жекпе-жек шеберінің ұсталуына қатысты пікір білдірді. Бұл туралы ведомствоның ресми өкілі Нұрділдә Ораз онлайн брифинг барысында айтты. Қуат Хамитов басын дауға қалдырған видеосына қатысты түсініктеме беріп, оны әзіл ретінде түсіргенін жеткізді. Алматы полициясы спортшыдан жауап алған соң, оны босатып үйіне жіберді.
