Бішкекте ҚР Сыртқы істер министрінің орынбасары Марат Сыздықов пен Қырғыз Республикасының Сыртқы істер министрінің бірінші орынбасары Нуран Ниязалиевтың қатысуымен қазақстандық-қырғыз Сыртқы істер министрліктері арасындағы консультациялар өтті,– деп хабарлайды т ҚР СІМ баспасөз қызметі.
Жүздесу барысында Қазақстанның Президенті Қасым-Жомарт Тоқаевтың Қырғыз Республикасына алдағы қараша айына жоспарланған мемлекеттік сапарына дайындық мәселесі талқыланды. Сондай-ақ саяси, сауда-экономикалық, су-энергетикалық және мәдени-гуманитарлық салалардағы екіжақты ынтымақтастық, сондай-ақ екі ел арасында туризмді дамыту бойынша өзекті жайттар қарастырылды.Келіссөздер қорытындысы бойынша тараптар достық және тату көршілік, одақтастық және стратегиялық серіктестік рухында өзара тиімді ынтымақтастықты жалғастыру туралы уағдаласты.