Канадада 170 мың тұрғын жарықсыз қалды
Канадада 170 мың тұрғын жарықсыз қалды
108
оқылды

Канадада дауыл мен нөсер салдарынан 170 мың адам жарықсыз қалды,– деп хабарлайды СВС телеарнасы.

Канаданың шығысындағы Квебек және Онтарио провинцияларында бейсенбіге қараған түнде күн бұзыла бастады. Желдің жылдамдығы 110 км/сағатқа (30 м/с) дейін жетті. Дауыл жүздеген ағашты тамырымен қопарып, жарнама тақталарын жұлынған, электр сымдары үзілген.

Квебектің оңтүстік және батыс аудандарында 80-100 мм-ге дейін жаңбыр жауып, көптеген елді мекенді су басты. Зардап шеккендер туралы әзірге мәлімет жоқ. Квебек провинциясындағы бірқатар қалада, соның ішінде Монреальда 137 мың тұрғын үй, мектептер, дүкендер, мемлекеттік мекемелер жарықсыз қалды.

Онтарионың шығысында 32 мың адам электр энергиясысыз отыр. Екі өңірдің энергиямен қамтамасыз етуші компаниялары апаттық бригадалар электр желісін қалпына келтіріп жатқанын мәлімдеді. Алайда қашан жарық берілетіні әзірге белгісіз.