«Қазгидрометтің» хабарлауынша, антициклонның әсерінен күн аязды болады.
Солтүстік-батыс, батыс, оңтүстік-шығыс және оңтүстікте қар жауады.
Кей жерлерде тұман түсіп, жел күшейеді. Батыста көктайғақ болады.
Батыс Қазақстан облысының кей жерлерінде тұман, жаяу бұрқасын күтіледі. Күндіз жел екпіні 15-20 м/с-ке дейін күшейеді.
Маңғыстау облысының кей жерлерінде жел екпіні 15-20 м/с-ке дейін күшейеді.
Алматы, Жамбыл, Түркістан, Атырау, Қостанай, Павлодар, Шығыс Қазақстан облыстарының кей жерлерінде тұман, Атырау облысының кей жерлерінде көктайғақ күтіледі.
Түнде Алматы, Қарағанды облыстарының кей жерлерінде қатты аяз күтіледі.
