ҚР Денсаулық сақтау министрлігі 9 қаңтардағы ел өңірлеріндегі эпидемиологиялық ахуалды бағалау матрицасын жариялады.
Бағалау матрицасына сәйкес, кеше, яғни 8 қаңтарда бір де бір облыс «қызыл» аймақта болмаған еді. Алайда бүгінгі матрица «қызыл» аймаққа Атырау облысының қайта кіргенін көрсетті.
Атырау облысы осымен қатарынан бірнеше рет «қызыл» аймаққа енді. «Сары» аймақта Алматы мен Нұр-Сұлтан қалалары, Ақмола, Солтүстік Қазақстан, Қостанай, Павлодар, Батыс Қазақстан облыстары бар. Қалған өңірлердің барлығы - «жасыл» аймақта.
Жалпы Қазақстан аумағы коронавирус бойынша «жасыл» аймақта тұр.
