Алматы облысында карантин шараларын күшейтетін жаңа қаулы қабылданды.
Себебі өңірде соңғы жеті күнде індет жұқтырғандар саны 100 мың тұрғынға шаққанда 16,2-ге жеткен. Қаулыға сәйкес сыйымдылығы елу және одан да көп қоғамдық тамақтану орындары жұмысын тоқтатады.
Той-томалақ, банкет, еске алу жиындарын ұйымдастыруға тыйым салынды. Барлық меншік нысанындағы мектепке дейінгі ұйымдар, ойын-сауық орындары да жағдай тұрақтағанша жұмыс істемейді. Сондай-ақ туристік нысандар, табиғи парктер, демалыс орындары, тау-шаңғы базалары мен мұз айдындары 80 пайыздан аспайтын толымдылықпен адам қабылдауға рұқсат беріліп отыр. Мониторинг топтарына тексеру, қадағалау жұмыстарын үдету тапсырылды.
