"Қазгидромет" РМК 13 қаңтарда ауа райына байланысты бірқатар өңірде дауылды ескерту жарияланғанын хабарлады.
13 қаңтарда Ақмола облысының кей жерлерінде жаяу бұрқасын, тұман күтіледі. Солтүстік-батыстан жел соғады, түнде және таңертең күші кей жерлерде 15-20 м/с күтіледі. Көкшетау қаласында 13 қаңтарда түнде жаяу бұрқасын күтіледі.
13 қаңтарда түнде Павлодар облысында қар, кей жерлерінде жаяу бұрқасын жауады. Солтүстік-батыстан жел соғады, күші кей жерлерінде 15-20 м/с сақталады. Павлодар қалпасында 13 қаңтарда түнде жаяу бұрқасын сақталады.
13 қаңтарда Шығыс Қазақстан облысының кей жерлерінде жаяу бұрқасын, тұман күтіледі. Оңтүстік-батыстан жел соғады, күші кей жерлерде 15-20 м/с болады.
13 қаңтарда түнде Жамбыл облысында кей жерлерде қатты қар жауады. 13-15 қаңтарда кей жерлерде тұман, жаяу бұрқасын, солтүстік-батыстан соғатын жел солтүстік-шығыс желіне ауысады, күші 15-20 м/с болады деп күтіледі. Тараз қаласында 13-15 қаңтарда кей уақытта тұман күтіледі.
13 қаңтарда түнде Солтүстік Қазақстан облысының кей жерлерінде бұрқасын, тұман күтіледі. Солтүстіктен, солтүстік-батыстан жел соғады, кей жерлерде күші 15-20 м/с болады деп күтіледі.
