Шетелге заңсыз газ сатқан

Шымкентте сұйылтылған газдың аса ірі көлемдегі экономикалық контрабандасы мен заңсыз тасымалдау дерегі анықталды. Бұл туралы Қаржы мониторингі агенттігінің баспасөз қызметі хабарлады. 

Агенттік таратқан ақпаратқа сүйенсек, Шым­кент қаласының екі тұрғыны 2017-2020 жылдар аралығында жалған құжат жасай отырып, Тәжікстан мен Ау­ғанстан аумағына 700 тон­надан астам сұйылтылған газды заңсыз тасы­малдаған және экс­порттаған.

«Шымкент қаласының Абай аудандық соты іс бойынша екі айыпталушыны үш жылға бас бос­тандығынан айырды (ҚР ҚК-нің 234-б. 2-б. 1) және 4-тар­мақтары, 197-б. 4-б. 2-тармағы). Мемлекет кірісіне жалпы сомасы 110 млн теңге болатын 720,8 тон­на сұйыл­тылған газ бағыт­тал­ды», – делін­ген хабарламада.

Есте болса, осыдан үш-төрт күн бұрын Шымкент қаласында жүргізілген жедел-іздестіру ша­ра­ларының нәтижесінде жалған есепке алу-бақылау мар­касы бар алкоголь өнімін дайын­дайтын ас­тыртын цех қызметінің жолы кесілген еді. Өндірілген өнім Шымкент қала­сының аума­ғында сатылып келген. Тексеру кезінде «Русская на бруньках» және «Березовая» маркалы 2 мың бөтелкеден астам алкоголь өнімі, 160 литр спирт, 10 мыңнан астам марка, сұйықты аралас­тыруға арналған сорғы, алко­гольге арналған 140 бос қорап және 80-нен астам бос бөтелке, 400-ден астам қақпақ тәркіленді. Аталған факт бойын­ша Қыл­мыстық кодекстің 233-бабы 2-бөлігіне сәйкес сотқа дейінгі тергеу ісі басталды. Қазіргі уақытта тиісті сараптама мен тер­геу амалы жүргізіліп жатыр.

Тұмар МЫРЗА

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.