Алматыда жедел жәрдем көлігі мен жеңіл автомобиль соқтығысты, зардап шеккендер бар. Бұл жайында Алматы қаласы Полиция департаментінің баспасөз қызметі хабарлады.
«13 наурызда Hyundai H-350 жедел жәрдем көлігінің 1978 жылғы жүргізушісі Байтұрсынов көшесінің бойымен солтүстік бағытта келе жатып, Жамбыл көшесінің қиылысында жол-көлік оқиғасына ұшырады. Ол Жамбыл көшесімен шығыс бағытта келе жатқан Ravon маркалы автокөлігімен соқтығысты. Салдарынан жеңіл автомобилінің 1986 жылғы жүргізушісі зардап шекті. Оны оқиға болған жерде дәрігерлер қарап, үйіне жіберді», - делінген хабарламада.
Оқиғаны Алмалы аудандық полиция басқармасы тергеп жатыр.
