Жаңалықтар AMANAT Қазақстан 4 индикатор мен 22 көрсеткіш орындалды 4 индикатор мен 22 көрсеткіш орындалды «Айқын» ақпарат 11/06/2021 10:55 217 оқылды – Бүгінде 4 индикатор мен 22 көрсеткіш толық орындалған. Қалған бір көрсеткіш үш ауысымды оқытуды жоюға бағытталған. Алайда бұл мәселені шешу үшін жұмыстар қолға алынып жатыр. Мәселен, Қызылорда қаласында үш ауысымды болдырмау бағытында 600 орындық жаңа мектеп пен 200 орындық бір мектептің қосымша құрылысы жыл соңында іске қосылмақ. Сондай-ақ осы мақсатта жеке инвесторлармен 800 орындық 2 жеке мектеп пайдалануға беріледі. Сонымен бірге, Арал, Жаңақорған аудандарында екі жаңа 300 орындық мектеп қыркүйек айында оқушы қабылдайды деп жоспарланып отыр, – дейді Қызылорда облыстық Білім басқармасының басшысы Ақзира Қасымова. Басқарма басшысы мектепке дейінгі тәрбие мен оқыту мәселесіне де тоқталып өтті. Мәселен, биыл 1-6 жасқа дейінгі балаларды мектепке дейінгі тәрбие мен оқыту жоспар бойынша көрсеткіш 81 пайыз болса, орындалу көрсеткіші 85,5 пайыз болған. 3-6 жасқа дейінгі балалардың қамтылуы 100 пайыз. Балалар қауіпсіздігі үшін 70 мектеп бейнебақылау жүйелеріне қосылып, терроризмге қарсы қауіпсіздік талаптарына сәйкестендірілген. Нақты айтар болсақ, 14 мектеп жедел басқару орталығына, 56 мектеп полицияның кезекші бөлімшелеріне қосылған. 110 мектеп ювеналды полиция қызметкерлерімен қамтамасыз етілген. Техникалық және кәсіптік білім беру бағытына келсек, облысымызда 30 колледжде 97 мамандық, 163 біліктілік бойынша 20 мың студент білім алуда. 2020 жылы мемлекеттік тапсырыс негізінде бітірген 4 067 студенттің 3 459-ы жұмысқа орналасып, көрсеткіш 85,1% болды. Басқарма басшысы дарынды балаларды қолдау бағытындағы жұмыстарды да тілге тиек етті. Айтуынша, жыл басынан халықаралық және республикалық олимпиадалар мен ғылыми жоба конкурстарында 124 оқушы жүлделі орын алған. Республикалық олимпиаданың қорытындысымен 26 оқушы жеңімпаз атанып, өңіріміздің олимпиадалық командасы республикада жүлделі 3 орынды иеленген. Әбілмансұр ЖАСАН
