Жаңалықтар AMANAT Қазақстан Ішкі туризмді дамытуға баса назар аударылады Ішкі туризмді дамытуға баса назар аударылады «Айқын» ақпарат 12/06/2021 00:30 336 оқылды «– Мәдени-танымдық туризм облыстағы туризмнің негізгі түрлерінің бірі, өйткені ШҚО – түркі өркениетінің пайда болу орталығы. Туризмнің әрбір бағыты мен түрі бойынша облыстың туроператорларымен бірлесіп туристік маршруттар әзірленіп, облыстық Visiteast.kz порталда орналастырылды. Visiteast.kz туристік порталы үнемі жаңартылады, онда туристерге қажетті барлық ақпарат жарияланып отырады. Заман талабына орай Instagram әлеуметтік желісінде @Visiteastkz ресми аккаунты ашылып, белсенді жүргізіліп жатыр. Бекітілген контент жоспарына сәйкес, өңіріміздегі туристік орындарға байланысты күн сайын жарияланып отырады, – деді облыстық Туризм және сыртқы байланыстар басқармасының туризмді дамыту бөлімінің басшысы Инара Бодукова. Сонымен қатар ШҚО Туризм басқармасы «Nur Otan» партиясының облыстық сайлауалды бағдарламасын орындау жөніндегі Жол картасы шеңберінде «Алакөл алаулары» фестивалі, жазғы және қысқы маусымның ашылуы, шетелдік туроператорлар үшін ақпараттық турлар сияқты бірқатар бұқаралық іс-шараны өткізу жоспарланғанын жеткізді. Әбілмансұр ЖАСАН
