Жамбыл облысында кәсіпкер өзіне оқ атқан адамды көлігімен қағып өлтірді, деп хабарлайды КТК арнасы.
Ол бұл қадамға ашу-ызадан барған. Алған жарақатынан қазір ауруханада жатыр.
Оқиға Меркі ауданында болған. Қараңғы түсе үш жергілікті тұрғын кәсіпкердің шаруа қожалығына барады. Сол жерде өзара ерегес туып, үш жігіттің бірі бизнесменге оқ атқан. Қожалық иесі де қарап қалмай, қансыраған күйде үшеуін көлігімен қуалапты. Жарты жолда қуып жетіп, мінген машиналарын оңдырмай соққан. Біреуі сол жерде жан тапсырса, екіншісі жарақат алған.
Қазір тәртіп сақшылары істің мән-жайын тексеріп жатыр.
