Премьер-министрдің орынбасары Ералы Тоғжанов карантин талаптарының қатаңдатылуына орай елімізде қатаң карантин енгізу қаншалықты мүмкін екеніне қатысты пікір білдірді.
«Бүгінде республика аумағына қатаң карантин енгізуге ешқандай себеп жоқ. Бұл күн тәртібінде де тұрған жоқ. Ведомствоаралық комиссияның отырысында Нұр-Сұлтан қаласына қатысты біраз шектеу шараларын қабылдадық. Ол жерде нақты объектілерге қатысты, әсіресе адамдар көптеп жиналатын жерлерге қатысты шектеулер енгізілді. Қазір осы шаралардың айналасында жұмыстар атқарылмақ. Бұдан кейінгі шешімдер елдегі эпидемиологиялық ахуалға байланысты болмақ», – деп жауап берді Премьер-министрдің орынбасары.
