Жаңа оқу жылына бір ай уақыт қалса да, Білім және ғылым министрлігі биыл мектептер қандай форматта жұмыс істейтінін нақтылаған жоқ. Шешімді республиканың бас санитар дәрігері қабылдайды деп отыр деді, 31-арнаның Информбюро ақпараттық бағдарламасы.
Оқушылардың қашықтан білім алуы мектеп формасын тігетін кәсіпорындарды шығынға батырып отыр. Пандемия басталғалы бері Қазақстанда мектеп формасын тігумен айналысатын 50 фабрика 9 миллиард теңге шығынға батып, 5 мың жұмысшыны қысқартуға мәжбүр болған. Қазір көбі өзге де киім-кешек түрлерін пішіп-тігумен айналысып отыр. Форма қажет бола қалса, қоймада 500 мың комплекті бар екен. Кәсіпкерлер биыл тауар бағасы қымбаттай қоймағанымен, келесі жылы 20 пайызға өсетінін айтып отыр. Өйткені, әлем нарығында матаның бағасы 30 пайызға өсіпті.
"Жеңіл өнеркәсіпті пандемия кезінде зардап шеккен салалардың қатарына қосу керек деп былтырдан бері Ұлттық экономика, Индустрия министрлігі, тіпті Сенатқа дейін жеткізіп келеміз. Бұл тізімге кеңес беретін орталықтар да ілігіпті. Біз ресейдегідей барлық салық түрін алып тастасын демейміз, тым құрығанда кейінге шегеруді сұраймыз", – дейді ҚР жеңіл өнеркәсіп кәсіпорындары қауымдастығының президенті Любовь Худова.Материалдың толық нұсқасын төмендегі видеодан көріңіз: