6 тамызда Ұлы Отан соғысының Атырау облысындағы соңғы ардагері Закария Сұлтанов 96 жасында қайтыс болды, — деп хабарлайды azh.kz.
Закария Сұлтанов 1925 жылы Забурунье қаласында дүниеге келген. 1943 жылы соғысқа шақырылып, Беларусь майданы құрамында 143-полкте соғысқан. 1946 жылы үйіне оралған.
ІІ дәрежелі Даңқ орденімен, мерейтойлық медальдармен марапатталған.
Биыл мамырда Қазақстанда Ұлы Отан соғысының 665 ардагері тұратыны хабарланған. 2020 жылы олардың саны 1025 болған еді.
