Теннисші Юлия Путинцева Цинциннати WTA 1000 турнирін жеңіспен бастады.
Әлемнің 36-ракеткасы Юлия Путинцева бірінші айналымда дүниежүзілік рейтингте 51-орында тұрған қытайлық Чжан Шуаймен кездесті. Небәрі 46 минутқа созылған матчта отандасымыз айқын басымдылық көрсетіп, 6:2, 6:0 есебімен жеңіске жетті. Ол бәсеке барысында 2 эйс жасап, 6 брейк-пойнттың бесеуін пайдаланды. Қарсыласы 1 эйспен ғана шектеліп, брейк жасай алған жоқ. Осылайша, спортшылардың өзара кездесулеріндегі есеп теңесті – 2:2. Юлия Путинцева екінші айналымда әлемнің 6-ракеткасы, чехиялық Каролина Плишковамен сынға түседі.А. ЖОЛДАС