Бала тәрбиесінде әкенің орны айрықша екені даусыз. Бүгінгі қоғам өркениетке қадам басқан сайын бала болашағына қамқор әкенің орны жайлы талай мінберден айтылып та келеді. Осыған орай дәстүрлі түрде өтетін «Әке жолы - ізгі жол» атты республикалық Әкелер апталығы басталды.
Бұл ауқымды шара тал бесіктен бастап үлкен өмірге қадам басқан жас ұрпақтың тәлім-тәрбиесіне әкенің қосар үлесін тағы бір нығайтуды мақсат тұтады. Іс-шараға белгілі білім саласының мамандары, отбасы эксперттері және басқа да қоғам қайраткерлері қатысып, ой бөліспек. Апталық онлайн және офлайн форматта өтеді.
Өтетін уақыты: 27 қыркүйек пен 1 қазан аралығы.
Ұйымдастырушылар:
«Сенімен Болашақ» республикалық ата-аналар қоғамдық бірлестігі;
«Әкелер одағы» республикалық қоғамдық бірлестігі;
«БІЛІМ-ИННОВАЦИЯ» Халықаралық қоғамдық қоры;
Қазақстан халқы Ассамблеясы жанындағы республикалық Аналар кеңесі;
«Дарын» республикалық ғылыми-практикалық орталығы.
