Алматыда Назарбаев зияткерлік мектебінің оқушылары белдемше киіп, наразылыққа шықты
Алматыда Назарбаев зияткерлік мектебінің оқушылары белдемше киіп, наразылыққа шықты
© stan.kz
Оқушылар мектеп басшылығы мен психологтің әрекеттеріне наразылық білдіріп жатыр, – деп хабарлады Білім және ғылым министрлігі.

"Кеше Алматыда Назарбаев зияткерлік мектебінің оқушысы қаза тапты. Ол химия-биология бағытындағы Назарбаев зияткерлік мектебінде оқыған жасөспірім болатын. Әлеуметтік желілерде оқушы мектеп психологымен сөйлескеннен кейін терезеден секіріп кетті деген ақпарат тарады, куратор жасөспірімді мектеп кешіне белдемше кигені үшін апарған. Алматы полиция департаменті іс «Адам өлтіру» бабы бойынша қозғалғанын айтты" делінген ведомствоның Telegram-каналындағы хабарламада.

Министрліктің баспасөз қызметі бүгін Назарбаев зияткерлік мектебінің оқушылары «киімнің жынысы жоқ» деген ұранмен наразылық акциясына шыққанын хабарлады.

"Ұлдар юбка киіп алған. Оқушылар мектеп аясында жаппай суретке түсті. Осылайша, олар Назарбаев зияткерлік мектебінің басшылығы мен психологтың әрекеттеріне наразылық білдірді" делінген хабарламада.

Бұған дейін Білім және ғылым министрлігі 11 қабаттан секіріп кеткен оқушыға қатысты мәлімдеме жасағанын жазған болатынбыз.