«Nur Otan» партиясы жанындағы Өңірді дамыту жөніндегі Алматы облыстық қоғамдық кеңесінің кезекті отырысы өтті. Аталған жиынға Өңірді дамыту жөніндегі облыстық қоғамдық кеңес мүшелері, аумақтық қоғамдық кеңестерінің төрағалары мен құзырлы мемлекеттік органдарының басшылары қатысты.
Отырыс барысында жергілікті атқарушы органдардың басшылары – Талдықорған қалалық тұрғын үй-коммуналдық шаруашылық бөлімінің басшысы Нұрым Әлиұлының, тұрғын үй инспекциясы бөлімінің басшысы Айдос Жақыпбектің, жолаушылар көлігі және автомобиль жолдары бөлімінің басшысы Қанат Хамитжановтың есептері тыңдалды. Жиында Талдықорған қаласы аумағындағы абаттандыру жұмыстарының жайы қаралды. Мәселен, 2020 жылы қанша ағаш отырғызылды, 2021 жылы қанша ағаш отырғызу жоспарланған, қаланы абаттандыру шаралары жөнінде есеп берілді. Бұл шараларға бөлінген қаржы мен оның игерілуі сұралды. Сондай-ақ қаладағы суару каналдарының жұмысы, пәтер иелері кооперативінің қызметі, аяқталған жобалар бойынша күтпеген шығындарға бөлінген 2 пайызды өндіру жайы талқыланды. Одан бөлек, Ынтымақ ауылдық, Өтенай ауылдық округінің проблемалық нысандары бойынша, жаяу жүргіншілер өткелдері және тағы басқа өзекті мәселелер талқыланды. Күн тәртібіндегі барлық мәселелер жан-жақты қаралды. Баяндамашылар мен отырысқа қатысушылардың пікірі мен ұсынысы ескеріліп, тиісті ұсыным қабылданды. Хаттама жасалды, оның негізінде құзыретті мемлекеттік органдарға тұрғын үй-коммуналдық шаруашылық мәселелерін бақылау жүргізу үшін облыстық партия филиалы тарапынан ресми хат жолданатын болады.Би-Барыс КӨКШЕ