«Министрлік студенттердің мүдделерін әрқашан бірінші орынға қояды. Сондықтан министр оқуға түсу үшін тағы бір мүмкіндік беру туралы шешім қабылдады. Тестті сәтті тапсырған жағдайда үміткерлер жазғы қабылдау қорытындысы бойынша артық қалған гранттарды ұтып ала алады», — деп атап өтті Білім және ғылым вице-министрі Қуаныш Ерғалиев.Естеріңізге сала кетейік, магистратураға екінші кешенді тестілеуге және докторантураға түсу емтихандарына қатысу үшін тіркелу БҒМ Ұлттық тестілеу орталығының app.testcenter.kz сайты арқылы жүргізіледі. Магистратураға кешенді тестілеу және докторантураға түсу емтихандары 2021 жылғы 19 қарашада басталып, 11 желтоқсанға дейін жалғасады. Білім беру гранттарын тағайындау конкурсына қатысу үшін құжаттар 2021 жылғы 25 желтоқсанға дейін қабылданады. Оқуға қабылдау 2021 жылдың 26 желтоқсаны мен 2022 жылдың 10 қаңтары аралығында жүргізіледі.
Магистратура мен докторантураға құжат қабылдау мерзімі ұзартылды
152
оқылды
оқылды