Қолайсыз ауа райына байланысты еліміздегі 7 облыс аумағында ескерту жарияланды, – деп хабарлайды "Қазгидромет" РМК.
3 желтоқсанда түнде Солтүстік Қазақстан облысының солтүстік-шығысында жаяу бұрқасын болады, көктайғақ болуы мүмкін. Түнде және таңертең облыстың батысында тұман түседі. Оңтүстік-батыстан жел соғады, облыстың оңтүстігінде, солтүстік-шығысында екпіні 15-20 м/с-ке жетеді.
Петропавлда ертең түнде көктайғақ болады. Оңтүстік-батыстан жел соғады, күндіз екпіні 15-20 м/с-ке жетеді.
Ақтөбе облысының солтүстігінде тұман түседі.
Ақмола облысының шығыс бөлігінде жаяу борасын тұрады, көктайғақ болуы ықтимал. Облыстың батысында тұман түсуі мүмкін. Батыстан жел соғады, облыстың шығысында екпіні 15-20 м/с-ке жетеді. Көкшетауда ертең батыстан жел соғады, таңертең және күндіз екпіні 15-20 м/с-ке жетеді.
Түркістан облысының батысында, солтүстігінде шаңды дауыл соғуы ықтимал. Күндіз таулы аудандарда найзағай жарқылдайды. Оңтүстік-батыстан, батыстан жел соғады, облыстың батысында, солтүстігінде, таулы аудандарында желдің жылдамдығы 15-20 м/с-ке жетеді, таулы аудандарда екпіні 23 м/с болады.
Шымкентте ертең оңтүстік-батыстан, батыстан жылдамдығы 15-20 м/с жел соғады.
Түркістан қаласында ертең түнде және таңертең шаңды дауыл соғуы мүмкін. Оңтүстік-батыстан, батыстан соққан желдің екпіні 15-20 м/с-ке жетуі мүмкін.
Маңғыстау облысының солтүстігінде, батысында тұман түсуі мүмкін. Ақтау қаласында ертең түнде және таңертең тұман түседі.
3-5 желтоқсанда Қызылорда облысының солтүстігінде тұман түсуі мүмкін.
3 желтоқсанда Батыс Қазақстан облысының солтүстік-батысында, солтүстік-шығысында тұман түсіп, көктайғақ болуы мүмкін. Оралда ертең көктайғақ болады. Түнде және таңертең тұман түсуі ықтимал.
