Бірінші орта салмақтағы қазақстандық боксшы Батыр Жүкембаев (18-1, 14КО) 11 желтоқсан күні келесі жекпе-жегін өткізеді, – деп хабарлады ВКонтакте әлеуметтік желісіндегі «Қазақстанның кәсіпқой боксы» парақшасында.
Айқас АҚШ-тың Вирджиния штатындағы Спрингфилд қаласында өтеді. Ол тәжірибелі мексикалық боксшы Хуан Хосе Альвареспен (28-10, 20КО) кездеседі.
Кездесу алты раундқа жоспарланған. Жүкембаев бұның алдындағы айқасын осы жылдың мамырында АҚШ-тың Калифорния штатындағы Карсон қаласында өткізген еді. Ол пуэрторикалық Сабриэль Матиастан (17-1, 17КО) жеңілген еді. Бұл Б.Жүкембаевтың кәсіби мансабындағы алғашқы жеңілісі.
