Бүгін Қарағанды облысының әкімі Жеңіс Қасымбектің қатысуымен облыстық мәслихаттың кезекті IX-сыншы сессиясы өтті. Сессияда қарағандылықтар көптен күткен тарихи шешім қабылданып, Октябрь ауданы – Әлихан Бөкейхан атындағы аудан деп өзгерту туралы облыс әкімінің Қаулысы қабылданды.
Облыстық мәслихаттың кезекті IX-сыншы сессиясында өткен жылғы бюджет қаржысының игерілуі, агроөнеркәсіптік кешенді дамытуға арналған бағдарламаның орындалуы және өзге де маңызды мәселелер қаралды.
Сондай-ақ Әлихан Бөкейханның 155 жылдығына және Ел Тәуелсіздігінің 30 жылдығы мерекесі қарсаңында Қарағанды қаласының Октябрь ауданының атауын Әлихан Бөкейхан атындағы аудан деп өзгерту туралы Қарағанды облысының әкімдігі ҚАУЛЫСЫ және облыстық мәслихаттың шешімі депутаттардың бірауыздан қолдауымен қабылданды.
