Батыс Қазақстан облысында қолайсыз ауа райына байланысты республикалық жол жабылды, деп хабарлайды ҚазАқпарат.
БҚО ТЖ департаментінің баспасөз қызметінен түскен мәліметке қарағанда, «ҚазАвтоЖол» ҰК« АҚ БҚО филиалының мәліметі бойынша 1 қаңтар күні жергілікті сағат 20.30-дан бастап республикалық маңызы бар Самара-Шымкент (266-392 км, Подстепныйдан Жымпиты ауылына дейін) жолында барлық көлік түрлері үшін қозғалысқа шектеу қойылды. Жолдың жабылу себебі - жолдың көрінбеуі, сулы қар, боран.
ТЖ департаменті осыған байланысты ескерту жариялап, аталған бағытта алысқа шықпау керектігін жеткізді.
