Соңғы күндерде Алматыда болған дүрбелең бүкіл елді дүрліктірді. Бейбіт шерумен басталған митинг, әп-сәтте арам пиғылды лаңкестік топтың араласуымен қантөгіс алаңына айналды. Қаншама боздақтардың қаны төгілді, қапияда сәбилер оққа ұшты. Жаппай тәртіпсіздіктің салдарынан бүлінбеген дүние, бүлдірілмеген мүлік қалмады. Келтірілген материалдық шығынды айтпағанда, тұрғындардың күнделікті тұрмыс-тіршілігі тоқтап қалды. Халықты үрей басты. Осындай жағдайға қарамастан бүлікшілерге тойтарыс беріп, ауылын сақтап, әскерилерді ажал аузынан аман алып қалған батырларымыз бар. Бұл жайында Tengrinews порталы жазды. Олар – қарапайым ауыл тұрғындары. Анығын айтсақ, Алматы облысы Панфилов ауылдық округтің жұртшылығы.
Қарауылдар аймаққа кірген ұры-қара мен бүлікке қатысқан деген күдіктінің бәрін милицияға тапсырған. Олардың арасында жергілікті балалар да болған. Бірі – жағдайды қызықтаса, бірі – соны пайдаланып, ұрлыққа түсіп, қалтасын толтырған.
– Мысалы, Қызыл ту елдімекенінде Шелектің тұрғыны ұсталды. Әлгі қылмыскерде бір емес, бірнеше қымбат аяқкиім табылған. Бір аяқкиімнің өзі 150 мың теңге тұрады. Ал қолындағы дүние 750 мың теңгеге бағаланып отыр. Мародерлар арзанқол дүние емес, қымбатын алуға тырысқан. Тіпті, әуелде «тауып алдым» деп бізді алдамақ болды. Бірақ жап-жаңа дүниенің қорабы бүлінбеген. Ондайды ешкім тастамайды емес пе? Жалпы, ауыл ішінде тұтқындалғандардан 30 миллион теңге табылды, – дейді запастағы майор.
Айта берсе ондай жағдайлар көп. Тіпті, бір баланың өзінен 20-25 миллиондай ақша табылған. Майордың сөзінше, ол жігіт есірткі әсерінде тұрғандай есеңгіреген күйде болыпты. Көлікке отырғыза бергенде қашпақ болған. Полиция ұстап үлгерді. Бұл оқиғаның бір-екеуі ғана, айтылмағаны әлі қанша...
Айта кетейік, Серік Шалов Nur Otan партиясы атынан 2021 жылы сайлауға түсіп, ауылдастарының басым даусына ие болып, әкім атанды. Халықтың арасынан шыққан азаматты осы күнде ауылдастары ерекше құрметтейді.
©tengrinews.kz[/caption]
©tengrinews.kz[/caption]
Оның айтуынша, жағдай ушығып бара жатқанда ауыл әкімі келіп, бүлікшілермен сөйлесіп, келіссөз жүргізбек болды. «Бүлікшілерді ойынан қайтару – оңай іс емес. Ол өзі запастағы полковник, діни мәселелерде хабары бар, олармен қалай жұмыс істеу керегін жақсы біледі. Оның үстіне бүлікшілердің арасында біздің ауылдық округтің, Райымбек ауданының жігіттері болды. Олардың өздері кезінде оған дауыс беріп, әкім етіп сайлаған. Міне, солар әкімнің сөзіне қосылды. Сөйтіп, әлгі жердегі бір қауым елдің пікірі екіге жарылды. Сол кезде әкім адам қазасы болмас үшін, халықты басу үшін командирді өз көлігіне отырғызып, радиостанциясын алып, оқ атпайтынына сөз берді. Үш сағатқа созылған келіссөздің арқасында әскерилер белгіленген жеріне аман-есен жеткізілді. Әйтпегенде 200-ден астам отбасы қайғыдан қара жамылар еді. Оларды аман алып қалған – біздің әкім», – деді Руслан Станбеков.