Халықаралық бокс федерациясы (IBF) барлық салмақ санатындағы боксшылар рейтингінің жаңартылған нұсқасын жариялады.
Екінші орта салмақта Айдос Ербосынұлы төртінші орнын сақтап қалды. Алғашқы екі орын бос, үшінші орында – ресейлік Евгений Шведенко. Бұл дивизиондағы IBF әлем чемпионы – мексикалық Сауль «Канело» Альварес.
Орта салмақта әлем чемпионы атағы Геннадий Головкинге тиесілі. Жәнібек Әлімханұлы 9-орнында қалды, ал Мейірім Нұрсұлтанов 12-орыннан 13-орынға төмен түсті.14-орында болған Қанат Ислам рейтингке ілінбей қалды. Үздік 15-тің ішінде бірінші орында – бразилиялық боксшы Эскива Фалькао, екінші орын бос, үшінші орында – неміс Патрик Войцицки.
Жартылай орта салмақта өткен айда 13-орында болған Данияр Елеусінов те рейтингке ілінбеді. Бұл дивизионда әлем чемпионы америкалық Эррол Спенс көш басында тұр. Алғашқы екі позиция бос, ал үшінші орынға Спенстің отандасы Джарон Эннис жайғасқан.
