Жаппайтәртіпсіздіктеркезіндебіразқаланыңәкімдігінезалалкелді. Тонаушылардыңбіразыбейнекамерағатүсіпқалған. Соныңарқасындақарақшылардытауып, қолдыболғанмүліктертәркіленіпжатыр. ІІМАлматыоблысыәкімдігініңғимаратынантехникаұрлағанкүдіктілердіңұсталғанынхабарлады.
Полиция қызметкерлері жаппай тәртіпсіздік кезінде жасалған кезекті ұрлықты ашты. Алматы облысының Полиция департаментінің Экстремизмге қарсы іс-қимыл басқармасының қызметкерлері Талдықорған қалалық Полиция басқармасының қызметкерлерімен бірлесіп, бүлік кезінде облыс әкімдігі ғимаратын тонаған күдіктілерді анықтады.
«Жедел-іздестіру іс-шаралары барысында Талдықорған қаласының 41, 37 және 24 жастағы үш тұрғыны ұсталды. Олар 5-7 қаңтар аралығында облыстық әкімдік ғимаратына заңсыз кіру арқылы тұрмыстық техниканы ұрлаған деген күдікке ілікті. Олар екі тоңазытқыш, екі кондиционер, мультипісіргіш, кеңсе креслосын, су сорғысын және басқасын ұрлаған», – деді Алматы облысы ПД Экстремизмге қарсы іс-қимыл басқармасының бастығы Руслан Найзабасов.
Оның мәліметінше, күдіктілерге қатысты Қылмыстық кодекстің 188-бабының 3-бөлігі бойынша сотқа дейінгі іс жүргізу басталды. Күдіктілер кінәсын мойындаған, олар уақытша ұстау изоляторына қамалды. Өзге ақпарат тергеу мүддесі үшін жария етілмейді.
