Синоптиктер жексенбі, яғни 30 қаңтарға арналған ауа райы болжамын жариялады.
«ҚР басым бөлігінде атмосфералық фронтальды бөліктердің өтуімен тұрақсыз ауа райы сақталады, осыған байланысты жауын-шашын көбінесе қар түрінде жауады, желдің күшеюі, бұрқасын, көктайғақ болады. Республика бойынша кей жерлерде тұман түседі», - делінген «Қазгидромет» РМК баспасөз хабарламасында.Атап айтқанда, Түркістан облысының оңтүстігінде және таулы, тау бөктеріндегі аудандарында тұман түсіп, таулы аудандарда жел 15-20 м/с күшейеді. Жамбыл облысынының солтүстік - шығысында және таулы аудандарында көктайғақ, облыстың солтүстігінде, таулы және тау бөктеріндегі аудандарында тұман болып, облыстың оңтүстік-батысында, солтүстік-шығысында және таулы аудандарында жел 15-20 м/с күшейеді. Қостанай облысының оңтүстігінде-жаяу бұрқасын, облыстың солтүстігінде-тұман болады. Күндіз Ақтөбе облысының солтүстік-батысында, солтүстігінде жаяу бұрқасынмен жел 15-20 м/с күшейеді. Маңғыстау облысының солтүстігінде, оңтүстік-батысында көктайғақ болып, солтүстігінде – тұман түседі. Атырау облысының шығысында тұман түседі, күндіз облыстың солтүстігінде жел 15-20 м/с күшейеді. Батыс Қазақстан облысының солтүстігінде тұман түседі, облыстың оңтүстік-батысында, шығысында жел 15-20 м/с күшейеді. Шығыс Қазақстан облысының оңтүстік бөлігінде жаяу бұрқасын, облыстың солтүстігінде тұман болады, облыстың орталығында жел 15-20 м/с күшейеді. Ақмола облысының солтүстік-батысында, Қызылорда облысының солтүстігінде тұман түсуі мүмкін. Қарағанды облысының батысы мен солтүстігінде жаяу бұрқасын болып, күндіз облыстың солтүстігі мен орталығында жел 15-20 м/с күшейеді. Алматы облысының Жалаңашкөл ауданында жел 17-22 м/с күшейеді, облыстың батысында, солтүстігінде, таулы және тау бөктеріндегі аудандарында тұман түсіп, көктайғақ болуы мүмкін.