Қазақстан Республикасы Бас прокуроры Берік Асылов Мәжілістің жалпы отырысында «Жаңа Қазақстан» депутаттық тобының сауалына жауап берді. Ол ҰҚК қаңтар оқиғасы кезінде мемлекетке опасыздық жасау және билікті басып алу әрекеттері туралы 15 іс қозғағанын хабарлады.
Ұлттық қауіпсіздік комитеті мемлекетке опасыздық жасау, билікті басып алуға әрекет ету және аса ірі мөлшерде пара алу бойынша 15 істі тергеуде.
Бұл істер бойынша Ұлттық қауіпсіздік комитетінің бұрынғы төрағасы К. Мәсімов және оның 3 орынбасары сот санкциясымен қамауға алынды. Осы органның тағы 2 басшысы билікті асыра пайдалану күдігімен қылмыстық жауаптылыққа тартылуда.
Ұлттық қауіпсіздік комитетінің істеріне «өте құпия» деген белгі берілді. Осыған орай, тергеу нәтижелерін жан-жақты жария ете алмаймыз.
