Президент Алматыда өтетін Наурыз тойына қатысып, тікелей эфирде қазақстандықтарды құттықтайды. Бұл жайында Ақорданың баспасөз қызметі хабарлады.
Мемлекет басшысы Қасым-Жомарт Тоқаев бүгін Алматы қаласының «Астана» алаңында өтетін мерекелік іс-шараға қатысып, барша Қазақстан халқын Ұлыстың Ұлы күнімен құттықтайды.
Наурыз мейрамына арналған іс-шара республикалық телеарналардан сағат 10:45-те тікелей эфирде көрсетіледі.
Сонымен қатар Президент қаладағы ғылым, білім, спорт және сауда нысандарын аралайды.
