Қазақстанда жол-көлік оқиғасынан жыл сайын шамамен 2 мыңнан астам адам қаза табады. Бұл туралы Ішкі істер министрлігі Әкімшілік полиция комитетінің төрағасы Атығай Арыстанов Орталық коммуникациялық қызметінде өткен брифингте мәлімдеді.
«Соңғы 5 жылда ел аумағындағы жолдарда жыл сайын орта есеппен 2 мыңнан астам адамның қаза табуы байқалып отыр. Тағы 20 мыңнан астам адам түрлі деңгейдегі дене жарақатын алды. Жыл басынан бері республика көлемінде 2 600-ден астам жол-көлік оқиғасы орын алды. Салдарынан 410 адам қаза тауып, 3,5 мыңнан астам адам жарақат алды», – деді Спикер.
