Белгілі әнші Бақыт Шадаева Димаш Құдайбергеннің өнері туралы ойын айтты. Бұл туралы әнші "Elmedia" Youtube арнасына берген сұхбатында айтқан.
"Димаштың өзінде де постановка жоқ. Оның Құдай берген, табиғат берген дауысы бар. Бәрі тамаша, бірақ оның мектебі жоқ, дауысы қойылмаған. Оның себептерін білемін, көз алдымда өскен бала. Оған өмірге үлкен жолдаманы берген мен болатынмын. "Жас қанатқа" қатысып жатқан кезде, барлығы "Ондай дауыс кетсін, құрсын" дегенде мен "Димаштан артық талантты көріп тұрған жоқпын" дедім. Ол расында да өте талантты жігіт. Бірақ, Димаштың мектебі жоқ. Дауысы қойылмаған адам алысқа бара алмайды деп қорқамын. Бірақ, Құдай берген таланты бар. Дегенмен әрбір адамда мектеп болу керек, білім болу керек. Онсыз сіз алысқа бара алмайсыз", – деді Бақыт Шадаева.
https://www.youtube.com/watch?v=tRBoBz9izRI
