«Қазпошта» өзгерістер мен жаңашылдықтарға дайын
«Қазпошта» өзгерістер мен жаңашылдықтарға дайын
146
оқылды
Соңғы жылдары «Қазпошта» АҚ қоғам талабына сай қызмет көрсетудің тиімді тетіктерін ұсынып, жаңа­шыл­дық­тарды енгізуде. Оның нәтижесін тұтынушылар санының артуынан-ақ бай­қауға болады. Ендігі ретте жаңадан құры­латын үш облыста бөлімшелердің жұ­мысын бір ізге келтіру, өңірлік фи­лиал­дар ашу ісіне дайындықты бастап кет­ті. Осы орайда қандай мәселелер ес­керіледі? Пошта қызметін жетілдіру қа­лай жүріп жатыр? Бұл туралы «Қаз­пош­та» АҚ Басқарма төрағасы Серік Саудабаевпен тілдестік. – Серік Болатұлы, Мемлекет басшысы Қасым-Жомарт Тоқаев биылғы Жолдауында елімізде Абай, Ұлытау және Жетісу облыс­тары құрылатынын айтты. Бұл саяси шешім мемлекеттік мекемелермен қатар халыққа қыз­мет көрсету орындарына өзгерістер әке­лері анық. «Қазпошта» АҚ-ның жаңа облыс­тар­да пошта желісін дамытуға қатысты қан­дай жоспары бар? – Сұрағыңыз өте орынды. «Қазпошта» әр­қашан өзгерістерге дайын. Біз – тұрғын­дар­мен тығыз байланыс орнататын, хат пен зат таситын, зейнетақы мен жәрдемақыны жет­кізетін, қысқасы қызметтің кең көлемін көр­сететін әлеуметтік маңызы бар мекемеміз. Қа­зірдің өзінде аталған қалаларда пошталық жә­не қаржылық қызметтің толық спектрін көр­сететін тораптар жұмыс істейді. Енді Абай, Ұлытау және Жетісу облыстарының ше­карасы айқындалған соң жаңа облыс ор­талықтарында аймақтық филиал құру мә­се­лесі қарастырылады. – Бұл өңірлерде ғимараттар ашу, бөлім­ше­лерді қажетті құралдармен, қызмет­кер­лермен қамту мәселелері қалай шешілмек? – Бүгінде пошта желісінің Ұлытау ­ауда­ны­н­да – 34, Абай ауданында – 88, Жетісу об­лысында 93 ғимараты бар. Олар ма­териал­дық-техникалық жағынан толық жаб­дықтал­ған. Бекітілген бюджет аясында күрделі жөн­деу жасалады. Сонымен қатар тұтынушы­лар­ға қолайлы жағдай жасау үшін жыл сайын ағымдағы жөндеу жұмыстары жүргізіледі. – Енді «Қазпошта»-ның жаңашыл­дық­тары­на ойыссақ. Соңғы уақытта пошта бөлім­ше­лері электронды коммерцияға иек артып, тұр­ғындардың ел іші мен алыс-жақын шетел­ден сатып алатын тауарларын жеткізуге көшті. Жұмыстарды жетілдіру үшін қандай шаралар атқарылып жатыр? – Курьерлік қызметтерді дамыту жобасы ая­сында жаңа өнімдер іске қосылды. Олар­дың ерекшелігі – жөнелтілімдерді өңдеудің бар­лық кезеңінде жүйелік бақылаудың болуы. Корпоративтік клиенттер үшін жеңіл­де­тілген тарифтер бар. Айталық, GoPostExpress елдегі қалалар мен елді мекендер ара­сын­да салмағы 30 келіден аспайтын EMS хат­тар мен сәлемдемелерді әуекөлігімен та­сы­малдауға арналған. Ал GoPostCity осындай сал­мақтағы сәлемдемелерді бір қала аума­ғын­да жеткізуді көздейді. GoPostStandard қа­лалар мен ауылдар арасында салмағы 75 ке­ліге дейінгі EMS сәлемдемелерді әуекө­лі­гімен апаруға бағытталған. Қызмет көрсету сапасын жақсарту мақ­сатында көлігі бар және жаяу курьерлерге ар­нал­ған GoPost мобильді қосымшасы жа­сал­ды. Сол арқылы курьерлер жөнел­тілім­дер­ді, жеткізілім ақысын, үстемеақыны, қо­сым­ша қызметтер төлемін қолма-қол ақ­шамен немесе банк картасы қабылдай алады. Элек­тронды чек беру мен онлайн жөнел­тілім­дердің мәртебесін белгілеуге де мүм­кін­дік бар. – Білуімізше, кейбір ауылдағы пошта бө­лім­шелері халыққа қызмет көрсету орта­лық­тарының орнын алмастырып отыр. Бұл ба­ғыт­тағы жұмыстардың нәтижесі қалай? – Былтыр «Қазпошта» мен «Азаматтарға ар­налған үкімет» мемлекеттік корпорациясы ара­­сында келісім жасалып, пилоттық жоба бас­талды. Оның аясында халыққа қызмет көр­сету орталықтары жоқ елді мекендердегі ауыл тұрғындарына пошта бөлімшесі арқылы мемлекеттік қызмет көрсетіледі. Мәселен, пош­та бөлімшелерінен электронды-цифр­лық кілт алып, мемлекеттік әлеуметтік көмек үшін тір­кеуден өте алады. Мүмкіндігі шек­теу­лі жандар­ды оңалтудың техникалық құ­рал­дарын, санаторий-курорттық орындарға жол­даманы ре­сім­деу, тағы басқа қызметтер көрсетіледі. Сол арқылы ауылдағы ағайын­ның жұмысы біршама жеңілдеді деп ойлай­мыз. Себебі енді аудан немесе облыс орта­лы­ғына барудың қажеті жоқ. – Соңғы жаңашылдықтардың тағы бірі – гибридтік электронды пошта жүйесінің іске қо­сылуы. Осы туралы толығырақ айтып өт­сеңіз. – Иә, қызметтің бұл түрі де жоғары сұра­ныс­қа ие. «Қазпошта» тұтынушыларға хабар­ла­маны электронды пошта түрінде жіберіп, кейін хат қылып жеткізу қызметін ұсынады. Оның тиімділігі сол, жолдаушы тарап кең­се­ден шықпай, филиалдарға бармай-ақ тәулік бойы онлайн форматта жібереді. Табыстау ту­ралы хабарламаны автоматтандыру, екі жақ­тан хатты басып шығару, жеке кабинет ар­қылы бақылау, топтама хаттар жасау сер­ви­сін жаңарту арқылы өңдеу жылдамдығын арттыру бағыттары бар. Қызметтің ыңғайлы екенін мына деректерден көруге болады: 2017 жы­лы жөнелтілім саны 654 мың болса, был­тыр 2 млн 324 мыңнан асты. Көрсеткішті одан әрі арттыру әрі сапаны жақсарту үшін ал­дағы уақытта да еңбек ететін боламыз. – Еңбек демекші, пошта қызметкерлерінің курьерге ауысу жүйесі кейбір тұрғындар тара­пы­нан түсініспеушілік тудырды. Бұған қатысты не айтасыз? – «Қазпошта» қызметкерлерді ынта­лан­дыру мақсатында қызмет көрсету шарты не­­гі­зінде жұмыс істейтін курьерлер арқылы пош­­та жөнелтілімдерін жеткізу жобасын жү­зе­ге асырды. Оның мақсаты – нақты орын­дал­­ған қызмет үшін ақы төлеу. Курьердің жұ­мысына 1 000 теңгеден 2 000 теңгеге дейін ке­пілдендірілген тәуліктік төлем қарас­тырыл­ған еді. Басқарманың 2022 жылғы 1 ақпанд­ағы шешіміне сәйкес, кепілдендірілген тө­лемнің көлемі 2 500 теңгеге дейін және ке­лісімді мәміле мөлшері орта есеппен 13 пайыз­ға көбейді. Биыл «Қазпоштаның» өн­діріс­тік қызметкерлерінің соңғы екі жылда ал­ғаш рет еңбекақысы өскенін атап өткен жөн. – Әңгімеңізге рақмет!

Әңгімелескен М.ХАҚНАЗАР