Түркістан облысы Сарыағаш ауданында су тасыды. Табиғи апат салдарынан Бағыс ауылына баратын жалғыз жолмен қауіпсіздік үшін жүруге тыйым салынды.
Облыстық әкімдіктің мәліметінше, Қазығұрт ауданында жағдай тұрақтала бастады. Екі ауданда нөсер жауын салдарынан 7 ауылдық округтің 11 елді мекенінде үй мен қора-қопсы су астында қалды. Қырылған мал саны 370-ке жетті.
Ауылдарды батпақтан аршып, қоқысты шығаруға Түркістан облысының өзге аудандарының халқы арнайы келіп, көмектесіп жатыр.
